Falls der eisen Op de Punkt net an der Boîte hat oder falls der wëllt en Artikel nach eng Kéier liesen, da fann der d’Ausgab vum Oktober 2016 hei an elektronescher Form.

Klickt op d’Bild hei ënnen drënner fir den Op de Punkt online ze liesen:

De neien Op de Punkt vun der Sektioun Fréiseng ass eraus. D’Awunner vun eiser Gemeng wärten en och an den nächsten Deeg an hirer Boîte virfannen.

Folgend Themen ginn dra behandelt:

• Der Staat und die Gemeinden
• Reform der Polizei
• Schliessung des Postamtes in Aspelt
• CSV – LSAP 2011-2017: Un bilan intermédiaire
• Klimapakt – Erfolgreiche Zertifizierung der Gemeinde Frisingen

Klickt op d’Bild hei ënnen drënner fir den Op de Punkt online ze liesen:

CSV ënnerstëtzt eng ambitiéis Ëmweltpolitik an der Gemeng Fréiseng. Zesumme mat eisem Koalitiounspartner suergen eisen Ëmweltschäffen Aloyse Schiltz an eise Conseiller Claude Arend, als President vun der Ëmweltkommissioun, dofir, dat d’Ëmweltpolitik och bei eis an der Gemeng kee Stéifkannt ass.

Ëmweltpolitik gëtt et net vir näischt, an trotzdem huet d’CSV ganz kloer d’Ambitioun, dat de Budget fir d’nächst Joer hei Akzenter setzt. Schliisslech gouf am September 2013 am Gemengerot beschloss, dem Klimapakt bäi ze trieden. Sou gi mer vum Staat, deen et den Ament net esou gutt mat de Gemenge mengt, belount wa mer verschidde Critèrë respektéieren an Zieler erreechen. Dës finanziell Belounung soll och moralesch encouragéieren, weider an deem Sënn Politik ze maachen.

(méi…)

Et ass an der Lescht ganz vill iwwert déi ‘plans sectoriels’ geschwat ginn. Ech géing mech als Nei-Fréisenger mol interesséieren, ob dann elo eng Gewerbezone an d’Gemeng kënnt, déi fir méi Akommes suergt?

MA: Am Koalitiounsprogramm vun der aktueller Majoritéit steet‚ mir wäerten am neie PAG derfir suergen, dass Terrain fir eng Aktivitéitszone ausgewise gëtt. Wat net gewosst war, ass, dass zu Uespelt 4,2ha als ‚zone d’industrie légère‘ ausgewise sinn, an dat géintiwwer der Garerplaz, am Duerf also, an op engem Terrain deen topographesch schwiereg ass. Mir mussen also versichen deen Terrain op eng aner Plaz an der Gemeng ze kréien, am beschten no bei der Autobunn, wat gutt ass an awer eis Bierger net stéiert. Et ass och virgesinn, dass de Staat guer keng Subventioune méi gëtt, fir d’Erschléisse vu renge Gemengen-Aktivitéitszonen. Besser also wier et, eng regional oder staatlech Zone op Gemengenterrain ze kréien. Da muss een awer och nach wëssen, dass Prozeduren am Land ganz laang sinn, dass een déi Terrain muss kréien an deemno vill investéieren, ier een vun Akommes ka schwätzen. Ech wëll domat just bieden, de Realitéiten Rechnung ze droen. Ausserdeem ass dat wat mir wëllen éischter eng Akitivéitszone, a keng Industriezone. Et soll virun allem och de lokalen a regionale Betriber eng Méiglechkeet ginn, sech ze vergréisseren, ouni fort ze plënneren. Sou kënne si och vläicht fir eis jonk Leit Aarbechtsplaze schafen.

(méi…)